O Consorcio de Santiago convocou subvencións en especie destinadas á elaboración de proxectos técnicos para a rehabilitación e restauración de inmobles de valor histórico e patrimonial situados no municipio de Santiago de Compostela ao longo do ano 2026. A convocatoria foi publicada no Boletín Oficial do Estado e tramítase en réxime de concorrencia competitiva.

Estas axudas permitirán que o propio Consorcio elabore a documentación técnica necesaria para a realización de intervencións de rehabilitación en edificios catalogados, co obxectivo de facilitar a conservación e posta en valor do patrimonio arquitectónico da cidade.

Poderán solicitar estas subvencións as persoas propietarias ou usufrutuarias dos inmobles, tanto físicas como xurídicas, así como comunidades de propietarios, comunidades de bens ou agrupacións de persoas físicas que poidan levar a cabo as actuacións previstas. As persoas beneficiarias deberán cumprir cos requisitos establecidos na normativa de subvencións e atoparse ao día nas súas obrigas tributarias e coa Seguridade Social. 

Os inmobles deberán estar situados no termo municipal de Santiago e contar cun nivel de catalogación ou protección patrimonial recoñecido na normativa urbanística vixente, incluíndo edificios monumentais, inmobles de elevado valor arquitectónico ou bens incluídos nos catálogos de protección do PXOM e do Plan Especial da Cidade Histórica.

Máis información no seguinte apartado.